பொருளாதார நிலைமை குறித்தும், கடன்கள் எப்போது தீரும் என்பது குறித்தும்.

ID:202418

கேள்வி:

பிறந்த தேதி: 09-03-1963; நேரம்: இரவு 08:01; ஊர்: வேலூர். பொருளாதார நிலைமை குறித்தும், கடன்கள் எப்போது தீரும் என்பது குறித்தும்.

 

பதில்:

உங்கள் ஜாதகப்படி நீங்கள் பிறந்தது மாசி மாதம் 25ம் தேதி. கன்னி லக்னம் - ஹஸ்தம் பாதசாரம். சிம்ம ராசி - பூரம் நட்சத்திரம். உங்களுக்கு 15-07-2024 வரை குரு தசை - சனி புத்தி நடந்து கொண்டிருக்கிறது. அதன் பிறகு புதன் புத்தி தொடங்குகிறது. புதன் பகவான் உங்கள் ஜாதகப்படி தொழில் ஸ்தான அதிபதி ஆவார். மேலும் குரு பகவான் சுகஸ்தான அதிபதி ஆவார். குரு பகவான் ஆட்சியாகவும் இருக்கிறார். இருவரின் ஆசிர்வாதமும் சேர்ந்து வரும் போது உங்கள் பொருளாதார நிலை உயர வாய்ப்பிருக்கிறது. அதவாது இந்த குரு தசையில் புதன் புத்தியில் உங்களின் பொருளாதார பிரச்சனைகள் தீர வழி பிறக்கும். 2025 - அக்டோபர் மாதத்திற்குள் உங்களின் கடன்கள் குறைந்து நிம்மதியாக இருப்பீர்கள். கவலை வேண்டாம்.

 

குரு பகவான் வரும் சித்திரை மாதம் உங்கள் ராசியைப் பார்க்கிறார். உங்களின் நிலை உயரும் நேரம் இந்த காலகட்டமே. தினமும் புதன் அதிபதி பெருமாள் மற்றும் குரு பகவானையும் பிரார்த்தனை செய்து வர உங்களின் பிரச்சனைகள் தீரும்.