ஜோதிட கேள்வி பதில் - பகுதி 06
கேள்வி:
திரு.K.U - வேலூர்
கடன் பிரச்சனை எப்போது தீரும்? ப்ரஸ்ணம் பார்த்து சொல்லவும்.
பதில்:
உங்களுக்கு சோழிப் பிரஸ்ணம் பார்த்ததில் வந்த லக்னம்: கும்பம். உங்களுக்கு 39 வயது நடக்கிறது. மேஷ ராசி கிருத்திகை நக்ஷத்ரம் - மகர லக்னம். ராகு திசை சந்திர புத்தி. ராகு பாக்கியஸ்தானத்திலும் சந்திரன் நான்காம் இடத்திலும் இருக்கிறார்கள். ஆயுள் ஸ்தானத்தில் லக்ன தனாதிபதி சனி இருக்கிறார். சனி சூரியன் பரிவர்த்தனை பெற்றிருக்கிறார்கள். ஆயுசு தீர்க்கம். வாகனம் இயக்கும் போதும் பயணங்களின் போதும் கவனம் தேவை. கடன் பிரச்சனை வரும் ஏப்ரல் மாதத்திற்குப் பிறகு படிப்படியாக குறையும். 2020ம் ஆண்டு உங்களுக்குப் பொற்காலமாக இருக்கும். ப்ரஸ்ணப்படி ஐந்தாமிடத்தில் ராகு இருக்கிறார். தந்தையார் ஸ்தானாதிபதி சுக்கிரன் பாதகாதிபதியுமாகிறார். தந்தைகாரகன் சூரியன் ஷட்பலத்தில் பலம் குன்றி இருக்கிறார். தந்தை வழி சொத்துக்கள் கிடைப்பதில் அதிகமான விவாதங்களும் சண்டை சச்சரவுகளும் வரலாம். பொறுமையுடன் எதையும் எதிர்கொள்ளுங்கள். பிடிவாதத்தை தளர்த்திக் கொள்ளவும். தினமும் ஜீவராசிகளுக்கு அன்னமிடவும்.
No comments:
Post a Comment