அனைவருக்கும் வணக்கம்.
எங்களுடைய மணநாளிற்கு நேரிலும் - போனிலும் - Facebook - Whatsappலும் வாழ்த்து தெரிவித்தமைக்கு நன்றி.
பெருங்குளம் ராமகிருஷ்ணன் ஜோஸ்யர்
பரம்பரை ஜோதிடர்
Monday, June 9, 2025
மகிழ்மாறன் சடகோபன் வையகத்தில் வாழியே
மேதினியில் வைகாசி விசாகத்தோன் வாழியே
வேதத்தைச் செந்தமிழால் விரித்துரைத்தான் வாழியே
ஆதிகுருவாய்ப் புவியிலவதரித்தோன் வாழியே
அனவரதம் சேனையர்கோன் அடிதொழுவோன் வாழியே
நாதனுக்கு நாலாயிரம் உரைத்தான் வாழியே
நன்மதுரகவி வணங்கும் நாவீறன் வாழியே
மாதவன்பொற் பாதுகையாய் வளர்ந்தருள்வோன் வாழியே
மகிழ்மாறன் சடகோபன் வையகத்தில் வாழியே
Wednesday, March 5, 2025
வள்ளுவ பார்ப்பாரியம்
எதேச்சையாக ஒரு வீடியோ பார்க்க நேர்ந்தது. அவர் ஓர் ஜோதிட பேராசிரியர். பல பட்டங்களுக்கு சொந்தக்காரர். ராசிபலன் சொல்லும் ஜோதிடர்கள் அனைவரையும் வறுத்தெடுத்துக் கொண்டிருந்தார். அப்போது திடீரென்று ஒரு செய்தியை போகிற போக்கில் சொன்னார். அதாவது ”தமிழ்நாட்டில் இருக்கும் எவருக்குமே ஜோதிடம் தெரியாது. தெலுங்கு பிராமணர்கள் வந்துதான் இங்கு ஜோதிடம் சொல்லி கொடுத்தார்கள். மேலும் இங்கு இருப்பவர்களுக்கு ஜோதிடத்தில் ஒரு அ ஃ கூட தெரியாது. தமிழ்நாட்டில் இருப்பவர்கள் எதற்கும் லாயக்கில்லை” என சொல்லி விட்டு தனது அடுத்த கருத்துக்கு போய் விட்டார். அந்த பேராசிரியர் தான் சொன்னதை தஞ்சாவூர் கோவில் கல்வெட்டில் எழுதி வைத்துவிட வேண்டியதுதான்.
சரி நம்ம விஷயத்திற்கு வருவோம். ரொம்பல்லாம் மெனக்கெட வேண்டாம். இங்கு ஜோதிடம் இருந்தது என சொல்வதற்கு ஒரு சிறிய ஆதாரமே போதுமானது. வானிலை கணிப்பதற்கு கணியர் என்றொரு சாதியும் - அவர்கள் கணித்ததை பலன்கள் சொல்ல வள்ளுவர் என்றொரு சாதியும் இருந்தது, இருக்கிறது. அரசியல் காரணமாக இருவரையும் பிரித்தார்கள். தமிழ் அறிஞர் குணா அவர்கள் எழுதிய வள்ளுவ பார்ப்பாரியம் படிக்க வேண்டும்.
இன்னும் என்னென்னல்லாம் பார்க்க வேண்டி இருக்கிறதோ?
பெருங்குளம் ராமகிருஷ்ண ஜோஸ்யர்
Thursday, October 17, 2024
Tuesday, April 9, 2024
Friday, March 29, 2024
ஹர்திக் பாண்டியா.....
எதிர்நீச்சல் - நாகேஷ் நடித்த ஒரு பழைய படம். அதில் ஒரு காட்சி வரும். நாகேஷ் - மனோரமா - சௌகார் ஜானகி மூவரும் பர்வதம் அம்மா மகளைப் பற்றி பேசிக் கொண்டிருப்பார்கள். அப்போது சௌகார் கேட்பார் “அந்த பொன்னு என்ன அவ்வளவு அழகா? சினிமா ஸ்டார் மாதிரி இருப்பாளா?”. அதற்கு நாகேஷ் சொல்வார் “அழகா இருப்பான்னு சொன்னேன் அழகுபடுத்திக்குவான்னா சொன்னேன்!”.
இப்படித்தான் இருக்கிறது ஹர்திக் பாண்டியா செய்வது. ஹீரோவாக இருப்பது வேறு - ஹீரோவாக நடிப்பது வேறு. புரட்டாசி ஆயில்யத்தில் பிறந்துள்ள அவருக்கு தற்போது அஷ்டமத்து சனி நடக்கிறது. கவனத்துடன் நடந்து கொள்வது நல்லது.
பெருங்குளம் ராமகிருஷ்ண ஜோஸ்யர்
Wednesday, March 13, 2024
எப்போது நிரந்தர வேலை கிடைக்கும்?
ID: 202419
தஎ
பி. தேதி: 17.06.1992
நேரம்: 11.20 காலை.
ஊர்: கரூர்.
தற்போது வேலை இல்லை. எப்போது நிரந்தர வேலை கிடைக்கும். உடல் நிலை குறைபாடு பற்றி சொல்லவும்.
பதில்:
நீங்கள் பிறந்தது ஆனி மாதம் பூராடம் நக்ஷத்ரம் தனுசு ராசி. சிம்ம லக்னத்தில் பூரம் சாரம் பெற்றிருக்கிறீர்கள். ராகு தசை சனி புத்தி நடக்கிறது. இன்னும் 1 வருடம் பாக்கி இருக்கிறது. 2025 பிப்ரவரி வரை சிறிது சிரமமான காலகட்டம். அதன் பின் வாழ்வில் மாற்றங்கள் வரும். நீங்கள் நினைத்தது நடக்கும். எடுக்கும் முயற்சிகள் பலிக்கும். உடல் ஆரோக்கியத்தில் கவனம் செலுத்தவும். தினசரி சிவபுராணம் சொல்லி வரவும்.
Tuesday, March 12, 2024
திருமணம் எப்போது?
ID: 202417
கேள்வி:
பிறந்த தேதி: 20-08-1991; நேரம்: இரவு 10:05; ஊர்: கோயம்புத்தூர். திருமணம் எப்போது?
பதில்:
நீங்கள் பிறந்தது ஆவணி மாதம் 4ம் தேதி. லக்னம் மேஷம் - அசுபதி பாத சாரம். தனுசு ராசி - மூல நட்சத்திரம். உங்களுக்கு தற்போது சந்திர தசை - சனி புத்தி நடக்கிறது. சந்திர பகவான் பூர்வ புண்ணிய ஸ்தான அதிபதி. மேலும் அவர் பாக்கிய ஸ்தானத்தில் அவரது நட்பு வீட்டில் சஞ்சரிக்கிறார். உங்களுடைய பாக்கிய ஸ்தானம் குரு பகவானின் வீடாகும். சனி பகவான் 10க்குடையவர். அவரது வீட்டிலேயே ஆட்சி நிலையில் இருக்கிறார். இது விஷேஷமான அமைப்பாகும். திருமணத்திற்கு 7 - 8 ஆகிய இடங்கள் முக்கியமாக கருதப்படுகிறது. 7 மற்றும் 8க்குடைய சுக்கிர பகவானும், செவ்வாய் பகவானும் இணைந்து சிம்ம ராசியில் சஞ்சரிக்கிறார்கள். இது அவர்களுக்கு பகை வீடாகும். 30 வயதைக் கடந்தவர் என்பதால் உங்களுக்கு இவர்கள் இருப்பால் தோஷம் ஒன்றுமில்லை. கோச்சாரப்படி குருபகவானின் ஒன்பதாம் பார்வை உங்களின் ராசியைப் பார்ப்பதால் உங்களுக்கான திருமண ஆகக்கூடிய நேரமாக இப்போது இருக்கிறது.
செவ்வாய் பகவான் மற்றும் சுக்ர பகவானை வணங்க திருமணம் விரைவில் கை கூடி வரும். முருகப்பெருமான் மற்றும் மஹாலட்சுமி தேவியை தொடர்ந்து வணங்கி வர நன்மையே நடக்கும்.
பொருளாதார நிலைமை குறித்தும், கடன்கள் எப்போது தீரும் என்பது குறித்தும்.
ID:202418
கேள்வி:
பிறந்த தேதி: 09-03-1963; நேரம்: இரவு 08:01; ஊர்: வேலூர். பொருளாதார நிலைமை குறித்தும், கடன்கள் எப்போது தீரும் என்பது குறித்தும்.
பதில்:
உங்கள் ஜாதகப்படி நீங்கள் பிறந்தது மாசி மாதம் 25ம் தேதி. கன்னி லக்னம் - ஹஸ்தம் பாதசாரம். சிம்ம ராசி - பூரம் நட்சத்திரம். உங்களுக்கு 15-07-2024 வரை குரு தசை - சனி புத்தி நடந்து கொண்டிருக்கிறது. அதன் பிறகு புதன் புத்தி தொடங்குகிறது. புதன் பகவான் உங்கள் ஜாதகப்படி தொழில் ஸ்தான அதிபதி ஆவார். மேலும் குரு பகவான் சுகஸ்தான அதிபதி ஆவார். குரு பகவான் ஆட்சியாகவும் இருக்கிறார். இருவரின் ஆசிர்வாதமும் சேர்ந்து வரும் போது உங்கள் பொருளாதார நிலை உயர வாய்ப்பிருக்கிறது. அதவாது இந்த குரு தசையில் புதன் புத்தியில் உங்களின் பொருளாதார பிரச்சனைகள் தீர வழி பிறக்கும். 2025 - அக்டோபர் மாதத்திற்குள் உங்களின் கடன்கள் குறைந்து நிம்மதியாக இருப்பீர்கள். கவலை வேண்டாம்.
குரு பகவான் வரும் சித்திரை மாதம் உங்கள் ராசியைப் பார்க்கிறார். உங்களின் நிலை உயரும் நேரம் இந்த காலகட்டமே. தினமும் புதன் அதிபதி பெருமாள் மற்றும் குரு பகவானையும் பிரார்த்தனை செய்து வர உங்களின் பிரச்சனைகள் தீரும்.
Wednesday, March 6, 2024
குல தெய்வ வழிபாட்டை விட்டு விடாதீர்கள்
அவன் சொன்னான்
இவன் சொன்னான்னு
குல தெய்வ வழிபாட்டை விட்டு விடாதீர்கள்.
அதுவே என்றும் நம்மை காக்கும்.
பெருங்குளம் ராமகிருஷ்ண ஜோஸ்யர்
+91 7845 11 9542
Subscribe to:
Posts (Atom)