Showing posts with label தேவ ப்ரஸ்ணம். Show all posts
Showing posts with label தேவ ப்ரஸ்ணம். Show all posts
Saturday, January 19, 2019
Sunday, March 18, 2018
Wednesday, January 24, 2018
குல தெய்வ ப்ரஸ்ண விளக்கம்
நேற்று பார்த்த குல தெய்வ ப்ரஸ்ண விளக்கம்:
ப்ரஸ்ண லக்னம்: கன்னி
லக்னாதிபதி புதன் மறைவில்லை.
உபய லக்னம் - பெண் அம்சம்.
ரிஷபம் - கன்னி - மகரம் வந்தால் ஊரின் பிரதான தெய்வம் இல்லை. உப தெய்வம். ப்ரஸ்ண திசையில் தெற்கு. எனவே ஊருக்கு தெற்கு திசையில் கோவில் அமைந்திருக்கிறது.
லக்னத்தை சனி பார்ப்பதால் ப்ரஸ்னம் பார்க்கும் இவர்களுக்கும் கோவிலுக்கும் தற்போது தொடர்பு இல்லை. ஆனால் பஞ்சமாதிபதி சனியுடன் லக்னாதிபதி இணைவு - பாக்கியாதிபதிபதி சுக்கிரன் பஞ்சம பூர்வ ஸ்தானத்தில் மிக வலு. எனவே தேவதையின் சாந்நித்யம் அருமை.
இவர்கள் அந்த தேவதையை வணங்காவிட்டாலும் தேவதையின் அருள் இந்த குடும்பத்திற்கு இருக்கிறது.
பெருங்குளம் ராமகிருஷ்ண ஜோஸ்யர்
+91 7845 11 9542
Email: ramjothidar@gmail.com
Friday, January 19, 2018
காலையில் நடைபெற்ற விநாயகர் கோவில் கும்பாபிஷேக ப்ரஸ்ணம்:
காலையில் நடைபெற்ற விநாயகர் கோவில் கும்பாபிஷேக ப்ரஸ்ணம்:
உதயாதி லக்னம்: ரிஷபம்
முதலில் லக்னாதிபதி சுக்கிரன் பாக்கியஸ்தானத்தில் வலு. லக்னத்தை குரு பார்க்கவில்லை என்றாலும் விநாயகருக்குரிய கிரகம் கேது, அவர் பாக்கியஸ்தானத்தில் லக்னாதிபதியுடன் இணைவு.
அஷ்டமத்து சனியால் விநாயகருக்கு தோஷம் ஏற்படாது. எனவே லக்னம் ஏற்றுக் கொள்ளப்பட்டது.
Friday, January 12, 2018
மிக கவனமாக படிக்க வேண்டிய விஷயம்:
மிக கவனமாக படிக்க வேண்டிய விஷயம்:
சனி பகவானுடைய சஞ்சாரம் தனுசு ராசிக்குள் கடந்த 19ம் தேதி வாக்கியப் பஞ்சாங்கப்படி நிகழ்ந்தது. ஒரு மாதம் கூட முழுமை பெறவில்லை.
தனுசு ராசி என்பது தெய்வங்களைக் குறிக்கக் கூடிய ராசியாகும்.
உதாரணமாக ஏதேனும் ஒரு கோவிலுக்கு ப்ரஸ்ணம் பார்க்க முற்படும் போது - தனுசு லக்னம் உதயமானால் அந்த கோவிலின் தேவதை நல்ல நிலையில் - சாந்நித்யம் பெற்றிருக்கிறது என பொருள் கொள்ள வேண்டும். உதய லக்னம் தனுசுவாக இருக்கும் பட்சத்தில் இதை முடிவு செய்ய வேண்டும். அதன் பிறகு தான் கிரகங்கள் - அதன் தன்மைகள் - அதன் இருப்புகள் ஆகியவற்றை நினைவில் கொள்ள வேண்டும்.
கோச்சார ரீதியாக தனுசுவில் சனியின் சஞ்சாரம் இருக்கும் போது கோவில்கள் - அதை சார்ந்த விஷயங்களுக்கு கடும் விவாதம் எழும். 2019 பிப்ரவரி மாதம் கேது பகவான் தனுசுவிற்கு மாறும் போது - சனியுடன் இணையும் போது இந்த விவாதமானது இன்னும் அதிகமாகும். அந்த வேளைகளில் ஆஸ்திகர் - நாஸ்திகர் சண்டை அதிகமாக நடைபெறும். அதன் பின் 2020ல் குரு பகவான் தனுசு ராசிக்கு மாற்றம் பெற்ற பின் படிப்படியாக இது குறையும்.
பல சித்தர்களும் - யோகிகளும் - மகான்களும் - நாயன்மார்களும் - ஆழ்வார்களும் களமாடிய நாட்டில்......
பெருங்குளம் ராமகிருஷ்ண ஜோஸ்யர்
+91 7845 11 9542
Email: ramjothidar@gmail.com
Saturday, January 6, 2018
ப்ரஸ்னத்தில் முக்கிய விஷயம்
ப்ரஸ்னத்தில் முக்கிய விஷயம்:
மிதுனம் - சிம்மம் - தனுசு - கும்பம் ஆகிய லக்னங்கள் வந்தால் மிகவும் நல்லது.
இந்த லக்னங்களுக்கு உச்ச நீச தோஷம் கிடையாது.
மிகப் பெரிய விஷயம் - இந்த நான்கு லக்னங்களும் ஆண் தன்மை கொண்டவை.
மிதுனம், கும்பம் - காற்றையும், சிம்மம், தனுசு - நெருப்பையும் குறிக்கும்.
சிம்மம், கும்பம் - ஸ்திரம், மிதுனம், தனுசு - சரம் என்பதையும் கணக்கில் எடுக்க வேண்டும்.
குல தெய்வ ப்ரஸ்ணத்தில் மிதுன லக்னம் வந்தால் வைணவம் தொடர்பான ஸ்வாமி என்றும் - சிம்மம் வந்தால் சிவன் தொடர்பான ஸ்வாமி என்றும் - தனுசு வந்தால் கோவிலின் ப்ரதான தெய்வம் இல்லாமல் வெளிப்புற தெய்வங்கள் என்றும் - கும்பம் வந்தால் ஊரின் காவல் தெய்வம் என்றும் பொருள் கொள்ள வேண்டும்.
உதாரணம்
மிதுனம் - நாராயணஸ்வாமி, சாளக்கிராமம்
சிம்மம் - பைரவர், முண்டன், சுண்டன், சுடலைமாடஸ்வாமி
தனுசு - கழுநீர் தொட்டியான், முன்னடி சுடலை, சங்கில் கருப்பு
கும்பம் - பத்திரகாளி
பெருங்குளம் ராமகிருஷ்ண ஜோஸ்யர்
+91 7845119542
Email: ramjothidar@gmail.com
Tuesday, September 12, 2017
தேவ ப்ரஸ்ணம்: தொடர் பகுதி - 04:
தேவ ப்ரஸ்ணம்: தொடர் பகுதி - 04:
ஸ்வாமிக்கு ப்ரஸ்ணம் பார்க்கும் போது வந்திருக்கும் லக்னத்திற்கு ஒன்பதாமிடம் என்று சொல்லக்கூடிய பாக்கியஸ்தானத்தை வைத்துதான் கோவிலின் நிர்வாகஸ்தர்கள் - கோவிலின் புண்ணிய பலம் - புண்ணியகாரியங்கள் ஆகியவற்றை சொல்ல முடியும்.
பொதுவில் ஜாதகம் பார்க்கும் போது ஒன்பதாமிடம் பாக்கியஸ்தானம் என்று அழைக்கப்படும். இந்த இடத்தை வைத்துத்தான் தந்தையாரைப் பற்றி சொல்ல முடியும். மேலும் காரகத்துவ அடிப்படையில் சூரியனை வைத்தும் தந்தையாரைச் சொல்லலாம். தேவ ப்ரஸ்னத்தில் ஒரு கோவிலுக்கு தந்தையார் என்பவர் நிர்வாக தலைவராகவோ அல்லது தர்மகர்த்தாவாகவோ இருப்பார். சில காலங்கள் முன்பு வரை ஊரில் வசதியாக இருக்கும் நபரை கோவிலில் முன்னிலைப்படுத்துவார்கள். எனவே அவர் கோவிலிருந்து எதையும் அபகரிக்க மாட்டார். இறைபணியை சேவையாக செய்தார்கள். கோவிலினுடைய தேவதைக்குப் பயந்தார்கள்.
பிற்காலங்களில் இந்த முறை மாறியது. அரசாங்கம் உள் நுழைந்தது. அரசியல் விளையாட்டில் 5 வருடத்திற்கு ஒரு முறை அரசாங்கம் மாறுவது போல் நிர்வாகக் குழுவும் மாறியது. கோவிலினுடைய சாந்நித்யம் கெட்டது. கோவிலுக்கு வேண்டாதவர்கள் நிர்வாகத்தில் நுழைந்தார்கள். கோவிலினுடைய தேவதையை கல்லாகப் பார்த்தார்கள். பயமோ மரியாதையோ இல்லை. அந்த காலங்களில் அரசாங்கம் கோவிலில் நுழையாது.
இன்று நாம் ப்ரஸ்ணம் பார்க்கும் கோவில்களில் பாதி கோவில்களில் பாக்கியஸ்தானம் கெட்டுப் போய் இருக்கிறது.
கடைசியில் கோவில் வழிபடும் இடம் என்பதைத் தாண்டி - கோவில் கார்ப்பரேட்களின் கையில் சிக்கித் தவிக்கிறது.
குறிப்பு: உடனே கோவில் பூஜை செய்பவர்களை பற்றி எழுதவில்லையே என்று அங்கலாய்க்க வேண்டாம். இந்த தொடரில் அதுவும் வரும்.
பெருங்குளம் ராமகிருஷ்ண ஜோஸ்யர்
+91 89390 41417
Email: ramjothidar@gmail.com
Web: www.kuppuastro.com
தொடரும்.....
Saturday, September 9, 2017
தேவ ப்ரஸ்ணம் - தொடர் - 03:
தேவ ப்ரஸ்ணம் - தொடர் - 03:
ப்ரஸ்ணம் பார்க்கும் போது சின்ன சின்ன விஷயங்களில் கூட கவனம் செலுத்துதல் அவசியம். நாம் எந்த தேவதைக்கு ப்ரஸ்ணம் பார்க்கப் போகிறோமோ அந்த தேவதை பல விஷயங்களில் நமக்கு காரியங்களை உணர்த்தும்.
உதாரணமாக கோவில்காரர்கள் கொடுத்த தாம்பூலத்தில் இருக்கும், வெற்றிலையில் முதல் வெற்றிலை சிறு சிறு ஓட்டைகளோடு இருந்தால் அங்கிருக்கும் நிர்வாகிகளுக்குள் ஒற்றுமை இல்லை என்று பொருள். அடுத்ததாக வைக்கும் தாம்பூலத்தில் தக்ஷிணை இல்லாமல் இருந்தால் அந்த தேவதையின் அருள் நிர்வாகிகளுக்கு இல்லை.
ப்ரஸ்ணம் பார்க்கும் போது யாரும் அபசகுனமாக பேசுதல் கூடாது.
கோவிலுக்குள் நுழையும் போது விமானம் சுத்தமாக இருக்க வேண்டும். விமானத்திலும் - ராஜகோபுரத்திலும் செடிகள் எதுவும் இருப்பது அரசாங்கத்தில் துரோகிகள் இருப்பதைக் காட்டும். அடுத்ததாக கொடி மரம் இருக்கக் கூடிய கோவில்களில் தினமும் பிரதான தேவதைக்கு நைவேத்யம் செய்யப்படும் அன்னம் பலி பீடத்திலும் இட வேண்டும். அந்த நேரத்தில் சங்க நாதம் எழுப்பப்பட வேண்டும்.
குறிப்பு:
தற்போது சொன்ன விஷயங்கள் எதுவும் இன்று பின்பற்றப்படவில்லை.
ப்ரஸ்ணம் பார்க்கும் தெய்வக்ஞர் - தான் கிளம்பிய முதல் கோவிலுக்குச் சென்று உட்கார்ந்து - ப்ரஸ்ணம் பார்த்து பலன் கூற ஆரம்பிக்கும் வரை என்னென்ன விஷயங்கள் நடந்திருக்கிறதோ அதை அப்படியே மனதில் பதிய வைத்துக் கொள்ள வேண்டும். இதில் தான் மிகப் பெரிய உண்மைகள் நிறைந்திருக்கிறது.
உதாரணம்:
கடந்த 15 நாட்களுக்கு முன் ஒரு அம்மன் ஆலயத்திற்கு ப்ரஸ்ணம் பார்க்க சென்ற போது - எல்லாவற்றையும் ஏற்பாடுகள் செய்து ஆரம்பிக்கும் போது திடீரென்று ஒரு பசுமாடு வந்தது - அதை பலமாக எடுத்துக் கொண்டோம். அடுத்து அங்கிருந்த நிர்வாகிகள் ப்ரஸ்ணம் ஆரம்பித்தும் தங்களுக்குள் தேவையில்லாததை பேசிக் கொண்டார்கள். இது தேவதை மேல் அவர்களுக்கு மரியாதை இல்லாததைக் காட்டியது.
குறிப்பு: இதை அப்படியே வீட்டிற்கு பார்க்கும் அஷ்ட மங்கள ப்ரஸ்ணத்திற்கும் எடுத்துக் கொள்ளலாம்.
பெருங்குளம் ராமகிருஷ்ண ஜோஸ்யர்
+91 89390 41417
Email: ramjothidar@gmail.com
Web: www.kuppuastro.com
Friday, September 8, 2017
தேவ ப்ரஸ்ணம் - தொடர் - 02:
தேவ ப்ரஸ்ணம் - தொடர் - 02:
ஒரு கோவிலில் தேவ ப்ரஸ்ணம் பார்ப்பதற்கு முன் ராசிகளைப் பற்றியும் - கிரகங்களைப் பற்றியும் முழுவதுமாக தெரிந்து கொள்வது அவசியம். மேலும் சின்ன சின்ன விஷயங்களைக் கூட கவனமாக கையாளுதல் முக்கியம்.
உதாரனத்திற்கு சிவன் சார்ந்த கோவிலுக்கு ப்ரஸ்னம் பார்க்கும் போது சர லக்னம் வருவது அவசியம். அப்போதுதான் மூன்றாம் வீடாக உபய ராசிகள் வரும். காவல் தேவதைகளுக்கு உபய ராசியை வைத்து பலன் சொல்ல வேண்டும்.
குறிப்பு:
நடைமுறையில் உபய லக்னங்களில் பிறந்தவர்கள் பிறரை சார்ந்தே வாழ்வார்கள்.
புருஷ தேவதைகளுக்கு சர லக்னமும் - ஸ்தீரி தேவதைகளுக்கு ஸ்திர லக்னமும் - காவல் தெய்வங்களுக்கு உபய லக்னமும் சொல்லப்பட்டிருக்கிறது.
குறிப்பு:
இதுவரை தேவ ப்ரஸ்னம் பற்றிய புத்தகங்கள் தமிழில் நிறைய வந்திருப்பினும், இந்த தொடரில் சொல்லக்கூடிய விஷயங்கள் அனுபவ முறையில் சொல்லப்பட்டதாகும். எமது மானசீக குருநாதர் பெருங்குளம் குப்பு ஜோஸ்யரவர்கள் கூறிய கருத்துக்களின் சாரமே இது.
பெருங்குளம் ராமகிருஷ்ண ஜோஸ்யர்
+91 89390 41417
Email: ramjothidar@gmail.com
Web: www.kuppuastro.com
Thursday, September 7, 2017
தேவ ப்ரஸ்ணம் - தொடர் - 01:
தேவ ப்ரஸ்ணம் - தொடர் - 01:
ஒரு கோவிலின் தேவதைக்கு தினமும் உணவு கொடுக்க மறந்தால் தேவதையின் ஸாந்நித்யம் கெடும். அது எந்த தெய்வமாக இருந்தாலும் சரி. இன்றைய சூழ்நிலையில் அரசாங்க கோவில்களானாலும் சரி - தனியார் கோவில்களானாலும் சரி தெய்வத்திற்கு நிவேதனம் சரி வர நடப்பதில்லை. இது உண்மை.
குறிப்பு: புதிது புதிதாக கோவில் கட்டுவது முக்கியமில்லை. பிரதிஷ்டை செய்யப்படும் தேவதைக்கு தினமும் உணவு கொடுக்கப்பட வேண்டும். பிரதிஷ்டை செய்யும் நீங்கள் தினமும் சாப்பிடாமல் இருக்கிறீர்களா?
பெருங்குளம் ராமகிருஷ்ண ஜோஸ்யர்
+91 89390 41417
Email: ramjothidar@gmail.com
Web: www.kuppuastro.com
Subscribe to:
Posts (Atom)