வளமுடன் வாழ தை வெள்ளி - ஆடிச் செவ்வாய் வழிபாடு:

வளமுடன் வாழ தை வெள்ளி - ஆடிச் செவ்வாய் வழிபாடு:

உத்தராயண புண்ணிய காலம் தொடங்கும் தை மாதமும் - தக்ஷிணாயன புண்ணிய காலம் தொடங்கும் ஆடி மாதமும் சுமங்கலி வழிபாட்டிற்கு மிக முக்கிய மாதங்களாகும்.

இந்த வழிபாட்டிற்கு தை மாதம் வெள்ளிகிழமையையும் - ஆடி மாதம் செவ்வாய்கிழமையையும் எடுத்துக் கொள்வார்கள்.

ஏன்?

தை மாதம் சூரியன் மகர ராசியில் சஞ்சரிப்பார். மகரத்திற்கு ஐந்தாம் வீடு - பூர்வ புண்ணிய ஸ்தானம் - ரிஷபம் - ரிஷபத்தின் அதிபதி சுக்கிரன் - அவரின் கிழமை வெள்ளி.

ஆடி மாதம் சூரியன் கடக ராசியில் சஞ்சரிப்பார். கடகத்திற்கு ஐந்தாம் வீடு - பூர்வ புண்ணிய ஸ்தானம் - விருச்சிகம் - விருச்சிகத்தின் அதிபதி செவ்வாய் - அவரின் கிழமை செவ்வாய்.

ரிஷபம் - விருச்சிகம் ஆகிய இரண்டு வீடுகளுமே சந்திரனுக்கு மிக முக்கியமானவை. ரிஷப ராசியில் சந்திரன் உச்சமாகவும் - விருச்சிக ராசியில் சந்திரன் பலமற்றும் காணப்படுவார். சந்திரன் கிரகமானது தன்மையில் பெண்ணைக் குறிக்கக்கூடியது.

எப்படிச் செய்வது?

ஒற்றைப் படை வரும் வகையில் (உதாரணமாக 1, 3, 5, 7, 9) சுமங்கலிகளுக்கு மஞ்சள் - குங்குமம் - வெற்றிலை - பாக்கு - பழம் - ஜாக்கெட் பிட் - தேங்காய் - நம்மால் முடிந்த தக்ஷணை ஆகியவற்றை தை வெள்ளி அல்லது ஆடி செவ்வாய் கிழமைகளில் மாலை வேளையில் கொடுத்து சுமங்கலிகளிடம் ஆசீர்வாதம் வாங்கிக் கொள்வதால் மிக நன்மைகளைப் பெற முடியும்.

இதைப் பற்றி பேச நிறைய இருக்கிறது, பேசுவோம்.

பெருங்குளம் ராமகிருஷ்ண ஜோஸ்யர்

+91 7845119542

Email: ramjothidar@gmail.com

முகூர்த்தம் - பகுதி 1

முகூர்த்தம் - பகுதி 1

ஒரு முகூர்த்தம் என்பது 3 3/4 நாழிகை கொண்டது. மணிக்கணக்கில் 1 1/2 மணி நேரம். எந்த விசேஷமானாலும் பத்திரிகை எழுத இதைத்தான் பயன்படுத்த வேண்டும். ஆனால் இப்போது இதை சிலர் பயன்படுத்துவதில்லை.

மகர ராசிக்காரர்களுக்கு ஓர் செய்தி:

மகர ராசிக்காரர்களுக்கு ஓர் செய்தி:

ஏழரை சனி தொடங்கியிருக்கிறது எனவே வீண் செலவுகள் ஏற்படலாம் என ஒரு பத்திரிகையில் செய்திகளாக போட்டிருக்கிறார்கள்.

எப்படி பலன் எழுதியிருக்கிறார்கள் என தெரியவில்லை. மகர ராசிக்காரர்களுக்கு தனாதிபதியும் ராசிநாதனும் சனி பகவான்தான். எனவே சனி பகவான் தனுசு ராசியிலிருந்து மூன்றாம் பார்வையாக கும்ப ராசியை பார்க்கும் போது மகர ராசிக்காரர்களுக்கு பணம் பல வழியில் வந்து சேரும். அதே வேளையில் ராசிநாதன் சனி விரையஸ்தானத்தில் சஞ்சரிப்பதால் சுபச் செலவுகள் ஏற்படும். அவ்வளவுதான்.

பெருங்குளம் ராமகிருஷ்ண ஜோஸ்யர்

+91 7845119542

Email: ramjothidar@gmail.com

ப்ரஸ்னத்தில் முக்கிய விஷயம்

ப்ரஸ்னத்தில் முக்கிய விஷயம்:

மிதுனம் - சிம்மம் - தனுசு - கும்பம் ஆகிய லக்னங்கள் வந்தால் மிகவும் நல்லது.

இந்த லக்னங்களுக்கு உச்ச நீச தோஷம் கிடையாது. 

மிகப் பெரிய விஷயம் - இந்த நான்கு லக்னங்களும் ஆண் தன்மை கொண்டவை.

மிதுனம், கும்பம் - காற்றையும், சிம்மம், தனுசு -  நெருப்பையும் குறிக்கும்.

சிம்மம், கும்பம் - ஸ்திரம், மிதுனம், தனுசு - சரம் என்பதையும் கணக்கில் எடுக்க வேண்டும். 

குல தெய்வ ப்ரஸ்ணத்தில் மிதுன லக்னம் வந்தால் வைணவம் தொடர்பான ஸ்வாமி என்றும் - சிம்மம் வந்தால் சிவன் தொடர்பான ஸ்வாமி என்றும் - தனுசு வந்தால் கோவிலின் ப்ரதான தெய்வம் இல்லாமல் வெளிப்புற தெய்வங்கள் என்றும் - கும்பம் வந்தால் ஊரின் காவல் தெய்வம் என்றும் பொருள் கொள்ள வேண்டும்.

உதாரணம்

மிதுனம் - நாராயணஸ்வாமி, சாளக்கிராமம்

சிம்மம் - பைரவர், முண்டன், சுண்டன், சுடலைமாடஸ்வாமி

தனுசு - கழுநீர் தொட்டியான், முன்னடி சுடலை, சங்கில் கருப்பு

கும்பம் - பத்திரகாளி

பெருங்குளம் ராமகிருஷ்ண ஜோஸ்யர்

+91 7845119542

Email: ramjothidar@gmail.com

ஞாபக சக்தி அதிகரிப்பதற்கும் முக்கியமாக கணித பாடம் எளிமையாக படிப்பதற்கும்

ஞாபக சக்தி அதிகரிப்பதற்கும் முக்கியமாக கணித பாடம் எளிமையாக படிப்பதற்கும் - தினமும் காலையில் வெறும் வயிற்றில் துளசி இலைகளை பல் துலக்கிய பிறகு சாப்பிட்டால் நல்ல மாற்றம் தெரியும். காபி டீ போன்ற பானங்களை தவிர்க்க வேண்டும். 

இந்த பரிகாரம் எனது ஆதிகுருநாதர் பெருங்குளம் குப்பு ஜோஸ்யரால் வேத பாடசாலைகளில் படிக்கும் குழந்தைகளுக்கு அந்த காலத்தில் சொல்லப்பட்டது.

பெருங்குளம் ராமகிருஷ்ண ஜோஸ்யர்

+91 7845119542

Email: ramjothidar@gmail.com

வேலையில் பிரச்சனைகள் நீங்குவதற்கு எளிய பரிகாரம்:

வேலையில் பிரச்சனைகள் நீங்குவதற்கு எளிய பரிகாரம்:

ஒருவருடைய ஜாதகத்தில் வேலை சம்பந்தமான பிரச்சனைகள் ஏற்பட்டால் அவருக்கு கோச்சார ரீதியாக கிரகநிலைகளும் - திசை ரீதியாகவும் சரி இல்லை என பொருள் கொள்ள முடியும். என்ன திசை நடக்கிறதோ அதற்கேற்றார் போல் பரிகாரம் செய்து கொள்ளுதல் அவசியம். கோச்சார ரீதியாகவும் கிரக நிலைகளை அனுசரித்து பரிகாரங்கள் செய்து கொள்வது நல்லது.

உதாரணமாக ரோகினி நக்ஷத்ரம் - ரிஷப ராசிக்காரர் என்பதை எடுத்துக் கொள்வோம். 40 வயது என எடுத்துக் கொள்வோம். அவருக்கு திசா ரீதியாக குரு திசை நடக்கலாம். குரு என்பவர் ராசிக்கு அஷ்டமாதிபதி தற்போது அவருக்கு அஷ்டமத்து சனி நடக்கிறது. அவருடைய ஜெனன கால ஜாதகத்தில் குரு ரிஷபத்திலோ அல்லது மிதுனத்திலோ இருந்திருக்கலாம்.

தற்போதைய நிலை இந்த ஜாதகருக்கு வேலையில் மிக அதிக பளு ஏற்படும்.

இதற்கு அவர் செய்ய வேண்டியது தினமும் சித்தர்களை வணங்குவது நன்மையைத் தரும். முன்னோர்களை வணங்கி வழிபடுவதும் மிக அதிக நன்மைகளைக் கொடுக்கும்.

ஒவ்வொரு திசைக்கு ஏற்ற பரிகாரங்கள்:

கேது - வினாயகர்

சுக்கிரன் - மஹாலக்ஷ்மி

சூரியன் - சிவன், நரசிம்மர்

சந்திரன் - அம்மன்

செவ்வாய் - முருகன், கிருஷ்ணர், வாராகி

ராகு - துர்க்கை, நாகதேவதை, நாகாத்தம்மன்

குரு - சித்தர்கள், ஜீவசமாதிகள்

சனி - முன்னோர்கள், காவல் தெய்வங்கள், ஐயப்பன்

புதன் - பெருமாள், ஆஞ்சநேயர், வினாயகர், முருகன்

பெருங்குளம் ராமகிருஷ்ண ஜோஸ்யர்

+91 7845119542

Email: ramjothidar@gmail.com

கண்கள் சம்பந்தமான பிரச்சனைக்கு என்ன காரணம்? அதற்குப் பரிகாரம் என்ன?

கண்கள் சம்பந்தமான பிரச்சனைக்கு என்ன காரணம்? அதற்குப் பரிகாரம் என்ன?

ஜோதிடத்தில் கண்களுக்கு உரிய காரக கிரகம் சூரியன். ஜாதகத்தில் சூரியன் வலுவிழந்தாலோ அல்லது கெட்டுப் போய் இருந்தாலோ கண்கள் சம்பந்தமான பிரச்சனை ஏற்படலாம்.

உடற்சூட்டினாலும் - அதிக நேரம் கண்களுக்கு வேலை கொடுப்பதினாலும் - துவர்ப்புச் சத்து சாப்பாட்டில் இல்லாமற் போனாலும் கண்களில் பிரச்சனை ஏற்படலாம்.

புதன் - சனிக்கிழமைகளில் எண்ணை தேய்த்து குளிப்பது சிறந்த பரிகாரம்.

தினமும் சூரிய நமஸ்காரம் செய்வது நன்மை தரும். இந்த பரிகாரம் மிகப் பெரிய மாற்றத்தை நமக்கு தரும்.

அடிக்கடி சிவன் - நரசிம்மர் ஆலயங்களுக்குச் சென்று வருவதும் மிகப் பெரிய பரிகாரம்.

கண் பார்வை கூர்மையாவதற்கும் - மிகச் சிறந்த பார்வை சக்தி பெறுவதற்கும் சூரிய நமஸ்காரம் செய்வது நல்லது.

பெருங்குளம் ராமகிருஷ்ண் ஜோஸ்யர்

+91 7845119542

Email: ramjothidar@gmail.com

ஜோதிட பரிகாரங்களை அணுகுவது எப்படி?

ஜோதிட பரிகாரங்களை அணுகுவது எப்படி?

எந்த சூழ்நிலையிலும் ஏதாவது ஜோதிடர் (நான் உட்பட) பயமுறுத்தும் வகையில் பலன் சொன்னால் உடனடியாக நம்பக்கூடாது. வேறு ஜோதிடரிடமும் சென்று கலந்துரையாட வேண்டும். 

எந்த பலனையும் யதார்த்தமாக எடுத்துக் கொள்ள பழகிக் கொள்வது அவசியம். உதாரணமாக மூல நக்ஷத்த்திரங்களில் பிறந்தவர்களுக்கு தற்பொது ஜென்ம சனி நடைபெற்று வருகிறது. எந்த விஷயங்களிலும் சிறிது தடை தாமதம் ஏற்படலாம். எனவே எதைச் செய்தாலும் திட்டமிடல், விடாமுயற்சி, தன்னம்பிக்கை தளர விடாமை போன்றவையை கடைபிடிக்க வேண்டும்.

7.30 பேருந்துக்கு 7.28க்கு வீட்டிலிருந்து கிளம்பிப் போய் பேரூந்தை விட்டு விட ஜென்ம சனி காரணம் கிடையாது. 7.30 பேரூந்துக்கு 7.15க்கு பேரூந்து நிறுத்தத்தில் இருப்பது அவசியம். சோம்பேறித்தனத்தை அறவே சனி பகவானுக்கு பிடிக்காது.

எந்த பெரிய பரிகாரம் செய்தாலும் - வாழ்க்கை நடைமுறையில் மாற்றம் கொண்டு வராத வரை நம் வாழ்வில் சிக்கல்கள் இருக்கும்.

பெருங்குளம் ராமகிருஷ்ண் ஜோஸ்யர்

+91 7845119542

Email: ramjothidar@gmail.com

நில ராசிகள் பற்றிய குறிப்புகள் - எளிய பரிகாரம்:

நில ராசிகள் பற்றிய குறிப்புகள் - எளிய பரிகாரம்:

ரிஷபம் - கன்னி - மகரம் ஆகிய ராசிகள் பஞ்ச பூத தத்துவத்தில் நில ராசிகளில் வரும். இதில் ரிஷபம் ஸ்திர நிலம் என்றும் - கன்னி உபய நிலம் என்றும் - மகரம் சர நிலம் என்றும் கொள்ள வேண்டும்.

இந்த மூன்று ராசிகளுக்கும் உள்ள அதிபதிகள் (புதன் - சுக்கிரன் - சனி) ஒரே பிரிவில் வருவார்கள் ஆங்கிலத்தில் Group. சனிதான் இவர்களில் பிரதானமாக இருந்து செயல்படுவார். எதையும் எளிதில் நம்பும் கொண்டவர்களாக இந்த ராசிகளில் பிறந்தவர்கள் இருப்பார்கள். 

இவர்கள் தினமும் ஏதேனும் ஒரு காவல் தெய்வத்தை வணங்கி வந்தாலே போதுமானது. வேறு பெரிய பரிகாரங்கள் தேவையில்லை.

காவல்தெய்வம்:

பைரவர் - நந்தீஸ்வரர் - கருடன் - ஆஞ்சநேயர் போன்ற சுற்றுக் கோவில்களில் இருக்கும் தெய்வங்கள் மற்றும் கிராமங்களில் காவல் தெய்வங்களாக இருக்கும் தெய்வங்கள்.

பெருங்குளம் ராமகிருஷ்ண் ஜோஸ்யர்

+91 7845119542

Email: ramjothidar@gmail.com

வாழ்வை வளமாக்கும் முன்னோர்கள் பரிகாரம்:

வாழ்வை வளமாக்கும் முன்னோர்கள் பரிகாரம்:

எந்த விஷயங்கள் தொடங்கினாலும் நமது முன்னோர்களை வணங்கி ஆரம்பித்தால் காரிய வெற்றி உண்டு. கடவுள் இருக்கிறார் இல்லை என்பது விவாதமாகும் ஆனால் முன்னோர்கள் வாழ்ந்தார்கள் என்பதும் அவர்கள்தான் நமக்கு ஆதாரம் என்பதையும் நாம் மறக்கலாகாது. எனவே தினமும் காலை எழுந்தவுடன் முன்னோர்களை நினைத்து ஒரு நிமிடம் வேண்டுவது நம் வாழ்வில் வசந்தத்தை வரவழைக்கும்.

முன்னோர்கள் வழிபாடு என்றவுடன் நாம் அமாவாசை வழிபாட்டையோ அல்லது திதி வழிபாட்டையோ அல்லது தர்ப்பணத்தையோ நினைக்கக் கூடாது. முன்னோர்கள் வழிபாடு என்பது நாம் அவர்களை நினைத்து மனமுருக வேண்டுவது. அவ்வளவே. மனமுருக வேண்டுவது என்பதற்கு பிறகுதான் காசி, ராமேஸ்வரம், திரிவேணி சங்கமம் வழிபாடு எல்லாமே. முன்னோர்களை திட்டிக் கொண்டே மேற்சொன்ன க்ஷேத்திரங்களுக்கு சென்றால் எந்த பலனும் கிடைக்காது.

ஒரு விஷயம் நினைவில் கொள்ள வேண்டும். முன்னோர்கள் நமக்கு நன்மை மட்டுமே செய்வார்கள்.

பெருங்குளம் ராமகிருஷ்ண் ஜோஸ்யர்

+91 7845119542

Email: ramjothidar@gmail.com